Vastelaovend aovend oppe Hei
De vastelaoves aovend oppe Hei
woor weer ein daverend succes. Ut begoos allemaol mit un paar zeer jeugdige
optrèjes woobie de zangtalente van femilie Kraane/Sjmeits, aangevuld mit get
bekkersblood van Roebroeks de zaal alvast good deeje opwerme. Doog se det mèr
uns nao !!!
Daonao höbbe wer de
femilieperikele van de kleinzoon van Sjanke van Denie oet ieëste hantj geheurd.
Noudje Knelisse haet oos allemoal haorfien oetgelag wie det thoes deraan toe
geit. De pap kent zich noe un paar waeke neet oppe sjtraot laote zeen.
Toen ginge wer op zeuk nao nuuj talent. In de X-faktor woor de jury weer uns flink van laer aan ut trekke, mer de punte woore waal in orde. De artiesten trokken zich doa niks van aan en leet ut pebliek flink inne henj klatsje. Massaal haw ut pebliek de sjtömbreefkes ingevölt en hun keus bepaald. Daomit hawwe alle artieste genog punte gescoord en zich allemaol geplaats veur de finalerunj.
Toen woore alle kenjer nog uns
aan de beurt. Die raosden uns flink euver die buuhn haer en leete flink get
konfetti dao ligge. Leen koos ut weite den daag daonao. In 20 minuute tied hawwe
die Poete ut pebliek toch weer laote geniete van sjitterende optrèjes. Van
populaire dansgruupkes tot heavy metal haedbengers, van briezerdrenkende
strandgèngers tot acts mit kippetjes en knienkes. Ut woor weer fantasties.
Ankararia verraste de zaal mit ein pragtig leedje gezungen op de mars van de Bussard (veur insiders, dae höbbe de sjötte 10 jaor geleeje auch gesjpeeld). Gekleid in sjoan sjöttepekskes en mit fluit en trom in de hantj leete ze de zaal gans oppe kop goan. Un richtige verrassing veur de sjötte. Ze höbbe zich zelf oetgeneudigd om mit de sjötte in de vastelaovesoptoch mit te trekke.
De batsekratsers woore traditioneel auch weer derbie. Mit junge batse en get awwere kratsers swingde ut weer good de pan oet. De vastelaoves stömming zoot der good in.
Toe woor ut de beurt aan Bas. Toen der de keffée in koom woor niks te merke aan hum, mèr dao zoot toch nog flink get sjtress in ut köpke. De krismis woor um neet in de kaw kleijer gaon zitte en haet um tot de rantj van de aafgrund gebrach. Mèr Bas en auch de kersbaom höbbe de krismis gelökkig toch euverleaf. Op un gegaeve moment sjloog zien sjömming gans um toen get euver de luuj begoos te kalle. De geheime van Carla van Ike van Ben looge bènne no time oppe sjtraot. Woo wet der det toch allemaol van? Höbbe se soms dezelfde kapper??
In de finale van de X-faktor woor dits kieër de beurt aan ut pebliek om te bepaale wae noe ech de X-faktor haw. Ut bleek det die awtjes van Vestrada (boogie duo) mit un derde plaats un deil angere achter zich leete. Op de twieëde plaats kome de Jacohebe Boys of woore ut girls? Hun optraejes looge auch hieël good bie ut pebliek. Mèr winnaar woor toch oose vastelaves dènsdig jeugdprins oppe Hei, Oose Haarieke. Hae sjtool alle hertjes in de ieëste runj (Haarieke Smittie) en mit ut leedje "einmaol prins te zeen" woo hae de juuste man op ut juuste moment op de juuste plaats. Dae prachtige baeker ( woos is dae gebleeve eigelik??) dae der kreeg van Wendy (??) woo den auch de kroan (of mot ich zegge vaere) op zien köpke (of op zien patsj).
De finale woor dit jaor veur die jeug, die nao ut veurdrènke (van neuge tot twelluf) in de richtige sjömming woore en det den auch leete zeen. Stripties-acts, strenge drill-instructeurs, Poopie-Joopies , verleefde paartjes, ze trokke ut allemaol oet de kas. Mit geneet van ut laeve weurde nog mer enne kieër duudelik desse neet thoes achter de geraniums mos blieve zitte , met desse droet mos , sjpas maake en plezeer.
Nao aaflaop bleef ut nog ein hieëlen tied zoeper-spitsen-klasse in de keffée en de sjloetingstied hawwe den auch versjillende gemis.